# जामनेरमध्ये सट्टा-जुगार अड्ड्यावर पोलिसांचा छापा; पाच जणांविरुद्ध गुन्हा दाखल
**जुगाराच्या साहित्यांसह ८ हजार १५० रुपयांची रोकड जप्त; महाराष्ट्र जुगार प्रतिबंधक कायद्यान्वये कारवाई**
**जामनेर, दि. १६ ऑक्टोबर :** जामनेर शहरातील जामनेर-बोदवड रोडवरील नॅशनल ढाब्याच्या मागील बाजूस असलेल्या मोकळ्या मैदानात सुरू असलेल्या जुगार अड्ड्यावर जामनेर पोलिसांनी छापा टाकून पाच जणांविरुद्ध कायदेशीर कारवाई केली. या कारवाईत जुगार खेळण्यासाठी वापरण्यात येणारे साहित्य आणि एकूण ८ हजार १५० रुपयांची रोकड जप्त करण्यात आली. याप्रकरणी महाराष्ट्र जुगार प्रतिबंधक अधिनियमाच्या कलम १२(अ) अन्वये गुन्हा दाखल करण्यात आला आहे.
पोलिसांनी दिलेल्या माहितीनुसार, १६ ऑक्टोबर २०२६ रोजी सायंकाळी सुमारे ६.२० वाजण्याच्या सुमारास नॅशनल ढाब्याच्या मागील बाजूस असलेल्या मोकळ्या मैदानात काही जण पत्त्यांवर पैशांची बाजी लावून जुगार खेळत असल्याची माहिती पोलिसांना मिळाली होती. त्यानुसार पोलिस पथकाने घटनास्थळी छापा टाकला.
या कारवाईदरम्यान सय्यद आरिफ सय्यद रशीद (वय ४०, रा. जुना बोदवड रोड, जामनेर), शेख जुबेर शेख गुलाम नबी कुरेशी (वय २६, रा. मदनी नगर, जामनेर), शेख अहमद शेख शकील (वय ३८, रा. घोडेपीर नगर, जामनेर), जाबिर मोती शेख (वय ३८, रा. मदनी नगर, जामनेर) यांच्यासह आणखी एका व्यक्तीविरुद्ध कारवाई करण्यात आल्याचे पोलिसांच्या कागदपत्रांत नमूद आहे.
छाप्यादरम्यान आरोपींकडून रोख रक्कम आणि जुगार खेळण्यासाठी वापरण्यात येणारे पत्ते जप्त करण्यात आले. जप्त करण्यात आलेल्या साहित्याची व रोकडची एकूण किंमत ८ हजार १५० रुपये असल्याचे फिर्यादीत नमूद आहे.
या प्रकरणी पोलिस कर्मचारी मनोज जरीर तडवी यांनी जामनेर पोलिस ठाण्यात फिर्याद दिली. त्यानुसार संबंधितांविरुद्ध महाराष्ट्र जुगार प्रतिबंधक अधिनियमाच्या कलम १२(अ) प्रमाणे कायदेशीर कारवाई करण्यात आली आहे.
**जुगाराच्या अड्ड्यांवर पोलिसांची नजर**
शहरात अवैध जुगाराचे प्रकार सुरू असल्यास त्यावर नियंत्रण ठेवण्यासाठी पोलिसांकडून कारवाई केली जात आहे. या छाप्यामुळे जामनेर शहरातील अवैध जुगाराच्या ठिकाणांवर पोलिसांची नजर असल्याचे स्पष्ट झाले आहे.
सदर कारवाई पोलिस निरीक्षक निवृत्ती बोऱ्हाडे यांच्या मार्गदर्शनाखाली बाळू भोई, सचिन महाजन, योगेश पाटील, मनोजतडवी आणि गजानन माळी यांच्या पथकाने केली आहे.
About the Author
