जामनेर: एसटी बसमधून प्रवास करताना विविध सवलती (महिला, विद्यार्थी, ज्येष्ठ नागरिक, दिव्यांग) घेण्यासाठी NCMC (National Common Mobility Card) ही नवीन स्मार्ट कार्ड घेणे आवश्यक आहे. हे कार्ड आधारशी लिंक केलेले असून प्रीपेड वॉलेटप्रमाणे कार्य करते.
कार्ड काढण्यासाठी आवश्यक कागदपत्रांमध्ये आधार कार्ड, मोबाईल नंबर आणि सवलतीनुसार पुरावे (विद्यार्थ्यांसाठी ‘सरल’ नंबर, दिव्यांगांसाठी UDID नंबर) आवश्यक आहेत. नवीन कार्डसाठी ₹१९९ (GST सह) शुल्क आकारले जाते, तसेच कार्डमध्ये किमान ₹१०० रिचार्ज करणे आवश्यक आहे. कार्ड नोंदणीची सुविधा जवळच्या एसटी बस स्थानकांवर (ST Bus Depot/Agara) उपलब्ध आहे.
तथापि, जामनेर शहरातील नागरिकांनी तक्रार केली आहे की अनेक ऑनलाइन सेंटरवर कार्डसाठी ₹२५० ते ₹३५० पर्यंत आकार घेतला जात आहे, जो अधिकृत शुल्कापेक्षा खूप जास्त आहे. तरही तहसील प्रशासनाकडून याकडे लक्ष दिले जात नसल्याचे नागरिकांचे म्हणणे आहे. अनेकांनी प्रश्न उपस्थित केला आहे की, या शुल्कातून प्रशासनालाही काही फायदा जातो का?
नागरिकांनी तात्काळ अशा ऑनलाइन सेंटरवर कारवाई करण्याची मागणी केली असून, अधिकाऱ्यांनी या प्रकरणाची तपासणी करून ग्राहक संरक्षणासाठी योग्य ती पावले उचलण्याची अपेक्षा व्यक्त केली आहे.
About the Author
