सर्वसामान्यांसाठी महत्वाची बातमी:GST वर सरकारचा मोठा निर्णय

जीएसटी काउन्सिलचा ऐतिहासिक निर्णय – औषधे, घरगुती वस्तू स्वस्त; लक्झरी कार-तंबाखू महाग

नवी दिल्ली :
ग्राहकांना मोठा दिलासा देणारा निर्णय घेत जीएसटी काउन्सिलच्या 56व्या बैठकीत कररचनेत आमूलाग्र बदल करण्यात आला आहे. अर्थमंत्री निर्मला सितारमण यांच्या अध्यक्षतेखाली झालेल्या या बैठकीत 12% आणि 28% जीएसटी स्लॅब रद्द करून आता केवळ 5% आणि 18% असे दोनच करस्लॅब ठेवण्यात आले आहेत. नवीन कररचना 22 सप्टेंबर 2025 पासून लागू होणार आहे.

✅ काय होणार स्वस्त?

• औषधे : 33 महत्त्वाच्या औषधांवरील 12% जीएसटी रद्द, कॅन्सर व दुर्मिळ आजारांच्या रुग्णांना दिलासा.
• अन्नपदार्थ : युएचटी दूध, पनीर, रोटी, पराठा, पिझ्झा ब्रेड पूर्णपणे करमुक्त.
• घरगुती वस्तू : एसी, वॉशिंग मशीन, मोठे टीव्ही, लहान कार यांवरील कर 28% वरून घटून 18%.
• कपडे व शूज : 12% ऐवजी फक्त 5% कर.
• सुकामेवा व पॅकेज्ड फूड : काजू, बदाम, पिस्ता, बिस्किटे, पेस्ट्री, पास्ता, नूडल्स, नमकीन आता 5% करस्लॅबमध्ये.
• विमा क्षेत्र : आरोग्य व जीवन विमा पॉलिसींवरील करात सूट.

❌ काय होणार महाग?

• लक्झरी कार आणि हाय-एंड बाईक : 350 सीसीपेक्षा जास्त इंजिन असलेल्या बाईक आणि लक्झरी कारवर आता 40% कर.
• तंबाखूजन्य पदार्थ : सिगारेट, गुटखा, पान मसाला, विडी, फ्लेवर्ड कार्बोनेटेड पेये यांवरही 40% विशेष करदर लागू.

ग्राहकांसाठी दिलासा

या निर्णयामुळे सर्वसामान्य ग्राहकांना दैनंदिन गरजेच्या वस्तूंवर मोठा दिलासा मिळणार आहे, तर आरोग्यास अपायकारक आणि लक्झरी वस्तूंवर करभार वाढणार आहे. पंतप्रधान नरेंद्र मोदी यांनी स्वातंत्र्यदिनाच्या भाषणात दिलेला संकेत प्रत्यक्षात आणत, सर्व राज्यांच्या सहमतीने हा निर्णय एकमताने घेण्यात आला आहे.

लक्षात ठेवा : नवी करप्रणाली 22 सप्टेंबर 2025 पासून लागू होणार आहे.